Psa 13 | THOT | STEP | לַ מְנַצֵּ֗חַ מִזְמ֥וֹר לְ דָוִֽד ׃

Psalms 13

1 לַמְנַצֵּחַ מִזְמוֹר לְדָוִֽד׃ 2 ^{▼▼English Ref=13.1} עַד־אָנָה יְהוָה תִּשְׁכָּחֵנִי נֶצַח עַד־אָנָה׀ תַּסְתִּיר אֶת־פָּנֶיךָ מִמֶּֽנִּי׃ 3 ^{▼▼English Ref=13.2} עַד־אָנָה אָשִׁית עֵצוֹת בְּנַפְשִׁי יָגוֹן בִּלְבָבִי יוֹמָם עַד־אָנָה׀ יָרוּם אֹיְבִי עָלָֽי׃ 4 ^{▼▼English Ref=13.3} הַבִּיטָֽה עֲנֵנִי יְהוָה אֱלֹהָי הָאִירָה עֵינַי פֶּן־אִישַׁן הַמָּֽוֶת׃ 5 ^{▼▼English Ref=13.4} פֶּן־יֹאמַר אֹיְבִי יְכָלְתִּיו צָרַי יָגִילוּ כִּי אֶמּֽוֹט׃ 6 ^{▼▼English Ref=13.5} וַאֲנִי׀ בְּחַסְדְּךָ בָטַחְתִּי יָגֵל לִבִּי בִּֽישׁוּעָתֶךָ אָשִׁירָה לַיהוָה כִּי גָמַל עָלָֽי׃